Khel mantri M.S.Gill ke dwara pahalwan Sushil ke guru ke sath jo durvyavahar kiya gaya, usse gill ki khelon ke prati samvedanheenta ka pata chalta hai. Pata nahi loktantra me aise majak kab tak chalte rahenge. Wastav me ye hamare loktantra ki kami hi hai,ki yahan bandaron ke hath me haldi ki gaanth nahi balki poora khet hi saunp diya jata hai.
Is sabke chalte desh ki pratibhaon ko poora samman nahi mil pata. Aise me ya to vah pratibha dam tod deti hhai,ya fir palayan karke kisi doosre desh ki sharan le leti hai. Han.., yadi kisi ne videsh me rahkar koi uplabdhi hasil kar li to ham usko bharatvanshi kahkar jabran usse chipakne lagte hai.
Yah bat keval khelon par hi nahin balki vigyan,kala,sahitya aadi sabhi kshetron par lagoo hoti hai.
Kaisi vidambana hai ki yogya vyaktiyon ka makhaul udaya ja raha hai,aur neta-feta malai chat rahe hain.
Kya kabhi ham inhe sabak sikha payenge?
No comments:
Post a Comment